سلسلة السيرة النبوية لاحمد عامر

ميزة
السلسلة انها موجهة للشباب بتاخذ احداث السيرة و تسقطها علي حياة الشباب و
اللي بنواجه في حياتنا اليومية .. كمان سهولة و بساطة السرد و التركيز
علي الاحداث بشكل مختصر ..

دول ٢٥ ساعة ينصح بهم بشدة بالتأكيد هيسيبوا أثر في نفسك ..

شخصيا اتعلمت من السلسلة دي كتير ..

يمكن اهم حاجة بالنسبة لي هي زيادة حب الرسول ﷺ في قلبي و الصحابة و التفكر في اد ايه شافوا كتير جدا عشان الدين ده يوصل لنا ..

ده اللي يخليك تحس انه يعني الرسول ﷺ شاف كل ده عشاننا و احنا عملنا ايه ؟! فيخليني اعمل اكتر ..

اتعلمت
من السيرة دي برده ازاي الدنيا ماشية و ازاي سنة الحياة ماشية و ان الرسول
ﷺ رحلته في الدعوة لحد اقامة الدين مكنتش حاجة سحرية برغم ان ربنا قادر
علي ده انه يخلي الموضوع سهل .. لكن لا الرسول ﷺ كان بيتعامل مع الواقع و
كأنه بيعلمنا ازاي نتعامل معاه و ازاي كان بيخطط لكل حاجة زي رحلة الهجرة و
تحضيره لها بكل تفاصيلها و ازاي في تحالفات و غيره .. مش عارف اعبر اوي عن
الفكرة دي بس لما تسمع هتفهم ..

عامة لو مخرجتش بس غير فزيادة محبة الرسول ﷺ في قلبك فده اعظم شئ ممكن تخرج به من سماع و تدارس سيرة الرسول صلي الله عليه و سلم ..