ايه اكتر اللحظات سعاده في حياة الانسان ؟

من الاسئله اللذيذه اللي عجبتني اوي بصراحه علي موقع Quora ايه اكتر اللحظات سعاده في حياة الانسان ؟  الاجابات علي السؤال ده كانت حلوه وفعلا الواحد لما حاجه من الحاجات دي تحصل بيكون حاسس بمتعه

- الاجابه من ( Anonymous ) بيقول :
1- انك تشرب مايه ساقعه لما تكون هتموت من العطش.
2- ان امك وابوك يكونوا فخورين بيك.
3- لما تاخد دش سخن في يوم برد جدا.
4- لما تخرج انت واصحابك وتزوروا اماكن جديده.
5- لما تعرف ان البنت اللي بتحبها هيا كمان بتحبك.
6- انك تنام براحتك من غير ازعاج.
7- وانت بتتفرج علي المطر من شباك الاوضه بتاعتك.
8- لحظة ما بتاخد اول مرتب من شغلك.
9- وجود حيوان اليف في حياتك.
10- انك تطلع رحله لواحدك وتكتشف اماكن جديده عليك.
11- انك تسترجع ذكرياتك الحلوه.
12- انك تشتري هديه لابوك وامك من مالك الخاص.
13- لما ربنا يرزق بأول مولود ليك في حياتك.
14- انك تنقذ حياة شخص.
15- صوت الباب لما يقفل واهلك خارجين من البيت ، وتنفرد لواحدك بالبيت .
16- لما تصحي علي صوت منبهك وتكتشف ان اليوم ده اجازه فتقفله وتكمل نومك .
17- انك تقعد تفكر طول الليل في حد بتحبه.
18- انك تعزف علي آله موسيقيه بتحبها.
18- لما تفتح علبة البيتزا وتلقي عليها اول نظره كدا.
19- لما تحصل علي حاجه تعبت وكافحة كتير عشان توصلها.
20- انك تحط رجلك في مايه سخنه.
21- انك تنام في حضن امك.
22- انك تساعد ناس متعرفهاش.
23- انك تتبرع للمحتاجين.
24- انك تقعد تسمع وتتكلم مع شخص كنت مفتقده.

- في النهايه ايه اكتر اللحظات سعاده بالنسبه ليك ؟

كتبه المبدع | أحمد طه عطوة

أصل المقال  | من هنا