سؤال من وحي الخيال جميل جد بيقول : لو انا عندي حالة ملل وزهقت من الاجازه اعمل اي عشان اخرج من الحاله دي ؟
1- جربت تاخد شنطه فيها اكل + موبايلك + هاندفري + روايه وتطلع علي اي مدينه مروحتهاش قبل كدا زي مثلا (اسكندرية - بورسعيد - الاسماعيلية - مرسي مطروح) تاخدلك لفه في كل مكان فيها وترجع تاني يوم ... صدقني هتستفيد كتير من التجربة دي ... ولو هتقعد تظبط مع صحابك او استنيت اهلك يشجعوك ابشر مش هتروح في حته.
2- لو مش هينفع تسافر لاي سبب من الأسباب انزل بلدك ولف فيها اكيد فيه اماكن كتير انت مروحتهاش قبل كدا ، ولو روحت كل الامكان انزل بالكاميرا بتاعتك او الموبايل وصور الاماكن الجميله فيها واعمل البوم من تصويرك انت.
3- اوقات فراغك حاول تستغلها في القراءه (كتب او روايات) واسال الناس اللي بتقرأ علي طول عن كتب شيقة تبدأ بيها عشان متملش من القراءة.
4- لو انت ملكش في القراء او مبتحبهاش حاول تتابع مسلسل طويل ويكون اجنبي بلاش عربي اكرر بلاش عربي من احسن الحاجات اللي تعزلك عن الواقع المقرف اللي حوالينا... عيش جوا احداث المسلسل واضحك وازعل واندهش.
5- لو مبتحبش الافلام والقراءة والجو ده اشتري كتاب الوان ( ماندلا ) عبارة عن ايه ده؟ دا كتاب ياسيدي عباره عن رسومات ابيض واسود وحضرتك بتحط التاتش بتاعك وتبدأ تلونها صدقني هتستمتع بيها وهتحس بانجاز لما تخلصها ويطلع شكلها جميل
6- جربت تتعمال مع الحيوانات ممكن تبدأ في تربيه حيوانات اليفه شوف انت بتحب ايه (قطط - كلاب - عصافير زينه- حمام) ابدا بتربية حاجة انت بتحبها صدقني هتحس باستمتاع وهتشغل وقت فراغك بنسبة كبيرة.
7- وانت خارج مره اشتري ملبس او بونبون كتير ووزعه علي الناس اللي تحسها قرفانه ومش طايقه الدنيا.. والاطفال طبعا ولو انت حالتك حلوه شويه هات طفل متشرد قاعد في الشارع ودخله مطعم كبير زي كنتاكي وهاتله اجدع وجبه يطلبها وعايزك بس تتفرج علي الفرحه اللي هتنط من عينه .
8- هوا طلب غريب شويه وهو انك تزور المقابر مره كل فتره.. حاول تروح وتقف شويه قدام الحفره اللي كلنا هنام فيها وساعتها عاوزك تفكر بقي في كل الحاجات اللي مضيقاك صدقني هتحس انها صغيره اوي وملهاش اي تلاتين لزمه.
9- قابل ناس قديمه واقعد معاها..مدرس ليك في ابتدائي بقالك كتير اوي مشفتوش .. ناس قرايبك بقالك كتير اوي مزرتهومش .. صاحب ليك مسمعتش صوته من فتره .. زور الاماكن اللي كنت بتروحها وانت صغير هتلاقي هناك زكريات جميله
10- حاول كل فتره تقعد مع ناس كبيره في السن واتكلم معاهم صدقني هتستفيد اوي من خبراتهم... وحاول كمان تقعد مع الاطفال هتستمتع ببراءتهم.
11- حاول تتعلم حاجة جديده مثلا مبتعرفش تلعب شطونج.. اتعلم شطرنج هتحس انك انجزت حاجه جديده في حياتك وهكذا.
12- كنا في ابتدائي بنقول حكمه في طابور الصباح اللي هيا.. العقل السليم في الجسم السليم .. حد فينا لما يصحي من النوم الصبح بيعمل رياضه ينشط الدورة الدموية بتاعته؟ علي فكره هتفرق معاك التمارين دي اوي بالذات في ايام الدراسه... بدل مابتروح المحاضره بتنام فيها... هتروح فايق ومصحصح " من لم يترك الرياضة في صغره لن تتركه في كبره "
13-اقفل التلفزيون متتفرجش علي النشره ومتسمعش اي اخبار تخنقك وتجيبلك اكتئاب متابعش صفحات ولا اشخاص تقرفك في عيشتك.
14- لو انت من الناس اللي بتحب السهر بس مش عارفه تعمل حاجة مفيدة فيه بتبقي قاعده علي الفيس بوك وخلاص... افتح الراديو علي تردد 9090 واسمع احمد يونس... الشخصيه دي اسمعها علي طول هتفرق كتير في حياتك وهتضيف لنفسك معلومات اول مره تعرفها... وضيوفه اللي هتستفاد منهم بجد زي الدكتور احمد عماره والدكتور ايهاب ماجد وغيرهم كتير... دا غير بقي قصص الرعب خلص البرنامج وقوم صلي قيام الليل واقعد استني الفجر وصلي الفجر ونام.
15- جربت تشترك انت ومجموعه من اصدقائك وتعملوا حاجه ايجابيه؟ العمل الجماعي مفتقدينه خالص.
16- كل اللي فوق ده مش هيفرحك لو انت بعيد عن ربنا... الكلام ده ليا قبل اي حد والله لاني اكتر واحد مقصر مع ربنا..واول ما اقرب منه بحس بفرحه من حيث لا احتسب.. جرب تسمع تواشيح للنقشبندي مثلا... واسمع القران الكريم بصوت الشيخ اللي بتحبه.
17- لو فيه حاجه تانيه بتفرحك وبتكون مصدر سعادتك اكتبها في كومنت.
اقعدوا بالعافيه
By : Ahmed taha atwa
1- جربت تاخد شنطه فيها اكل + موبايلك + هاندفري + روايه وتطلع علي اي مدينه مروحتهاش قبل كدا زي مثلا (اسكندرية - بورسعيد - الاسماعيلية - مرسي مطروح) تاخدلك لفه في كل مكان فيها وترجع تاني يوم ... صدقني هتستفيد كتير من التجربة دي ... ولو هتقعد تظبط مع صحابك او استنيت اهلك يشجعوك ابشر مش هتروح في حته.
2- لو مش هينفع تسافر لاي سبب من الأسباب انزل بلدك ولف فيها اكيد فيه اماكن كتير انت مروحتهاش قبل كدا ، ولو روحت كل الامكان انزل بالكاميرا بتاعتك او الموبايل وصور الاماكن الجميله فيها واعمل البوم من تصويرك انت.
3- اوقات فراغك حاول تستغلها في القراءه (كتب او روايات) واسال الناس اللي بتقرأ علي طول عن كتب شيقة تبدأ بيها عشان متملش من القراءة.
4- لو انت ملكش في القراء او مبتحبهاش حاول تتابع مسلسل طويل ويكون اجنبي بلاش عربي اكرر بلاش عربي من احسن الحاجات اللي تعزلك عن الواقع المقرف اللي حوالينا... عيش جوا احداث المسلسل واضحك وازعل واندهش.
5- لو مبتحبش الافلام والقراءة والجو ده اشتري كتاب الوان ( ماندلا ) عبارة عن ايه ده؟ دا كتاب ياسيدي عباره عن رسومات ابيض واسود وحضرتك بتحط التاتش بتاعك وتبدأ تلونها صدقني هتستمتع بيها وهتحس بانجاز لما تخلصها ويطلع شكلها جميل
6- جربت تتعمال مع الحيوانات ممكن تبدأ في تربيه حيوانات اليفه شوف انت بتحب ايه (قطط - كلاب - عصافير زينه- حمام) ابدا بتربية حاجة انت بتحبها صدقني هتحس باستمتاع وهتشغل وقت فراغك بنسبة كبيرة.
7- وانت خارج مره اشتري ملبس او بونبون كتير ووزعه علي الناس اللي تحسها قرفانه ومش طايقه الدنيا.. والاطفال طبعا ولو انت حالتك حلوه شويه هات طفل متشرد قاعد في الشارع ودخله مطعم كبير زي كنتاكي وهاتله اجدع وجبه يطلبها وعايزك بس تتفرج علي الفرحه اللي هتنط من عينه .
8- هوا طلب غريب شويه وهو انك تزور المقابر مره كل فتره.. حاول تروح وتقف شويه قدام الحفره اللي كلنا هنام فيها وساعتها عاوزك تفكر بقي في كل الحاجات اللي مضيقاك صدقني هتحس انها صغيره اوي وملهاش اي تلاتين لزمه.
9- قابل ناس قديمه واقعد معاها..مدرس ليك في ابتدائي بقالك كتير اوي مشفتوش .. ناس قرايبك بقالك كتير اوي مزرتهومش .. صاحب ليك مسمعتش صوته من فتره .. زور الاماكن اللي كنت بتروحها وانت صغير هتلاقي هناك زكريات جميله
10- حاول كل فتره تقعد مع ناس كبيره في السن واتكلم معاهم صدقني هتستفيد اوي من خبراتهم... وحاول كمان تقعد مع الاطفال هتستمتع ببراءتهم.
11- حاول تتعلم حاجة جديده مثلا مبتعرفش تلعب شطونج.. اتعلم شطرنج هتحس انك انجزت حاجه جديده في حياتك وهكذا.
12- كنا في ابتدائي بنقول حكمه في طابور الصباح اللي هيا.. العقل السليم في الجسم السليم .. حد فينا لما يصحي من النوم الصبح بيعمل رياضه ينشط الدورة الدموية بتاعته؟ علي فكره هتفرق معاك التمارين دي اوي بالذات في ايام الدراسه... بدل مابتروح المحاضره بتنام فيها... هتروح فايق ومصحصح " من لم يترك الرياضة في صغره لن تتركه في كبره "
13-اقفل التلفزيون متتفرجش علي النشره ومتسمعش اي اخبار تخنقك وتجيبلك اكتئاب متابعش صفحات ولا اشخاص تقرفك في عيشتك.
14- لو انت من الناس اللي بتحب السهر بس مش عارفه تعمل حاجة مفيدة فيه بتبقي قاعده علي الفيس بوك وخلاص... افتح الراديو علي تردد 9090 واسمع احمد يونس... الشخصيه دي اسمعها علي طول هتفرق كتير في حياتك وهتضيف لنفسك معلومات اول مره تعرفها... وضيوفه اللي هتستفاد منهم بجد زي الدكتور احمد عماره والدكتور ايهاب ماجد وغيرهم كتير... دا غير بقي قصص الرعب خلص البرنامج وقوم صلي قيام الليل واقعد استني الفجر وصلي الفجر ونام.
15- جربت تشترك انت ومجموعه من اصدقائك وتعملوا حاجه ايجابيه؟ العمل الجماعي مفتقدينه خالص.
16- كل اللي فوق ده مش هيفرحك لو انت بعيد عن ربنا... الكلام ده ليا قبل اي حد والله لاني اكتر واحد مقصر مع ربنا..واول ما اقرب منه بحس بفرحه من حيث لا احتسب.. جرب تسمع تواشيح للنقشبندي مثلا... واسمع القران الكريم بصوت الشيخ اللي بتحبه.
17- لو فيه حاجه تانيه بتفرحك وبتكون مصدر سعادتك اكتبها في كومنت.
اقعدوا بالعافيه
By : Ahmed taha atwa
