تعلم اللغات أصبح من أهم متطلبات أي وظيفة بمرتب كبير والناس اللي بتكون محترفة في لغة أو أكثر بتزيد فرصها الضعف للحصول على شغل بمرتبات خيالية
واحنا النهاردة بنقدملك مجموعة كورسات لتعلم 4 لغات وهم إيطالي وألماني وفرنساوي وأسباني ومناسبة لكل الأعمار والمستويات
الكورسات مجانية من موقع يوديمي وهتاخدها وأنت قاعد في البيت في أي وقت يناسبك وفي نهايتها هتحصل على شهادة مجانية تشجيعية
كل الكورسات تقييمها عالي ومدتها صغيرة واشترك فيها آلاف الطلاب حول العالم ومقدمة تحت شعار لا تعطني سمكة ولكن علمني كيف أصطاد يعني مش بس بتعلمك اللغة لا دي كمان بتعرفك إزاي تذاكرها ومتنسهاش
الكورس الأول 3 Minutes French
هيبدأ معاك من الصفر هيفهمك أكثر عن أهم قواعد اللغة الفرنسية وإزاي تتعامل في المواقف الأساسية وكيفية تكوين الجمل وإزاي تقدر تذاكر اللغة بشكل عملي لحد ما توصل لمستوى احترافي
الكورس الثاني 3 Minutes Spanish
اللغة الأسبانية هي لغة شائعة وسهل إنك تتعلمها لإن قواعدها بسيطة ومطلوبة بكثرة في سوق العمل
الكورس الثالث 3 Minutes German
مش محتاجين نتكلم كتير عن الألماني أكيد أنتم بتشوفوا بنفسكم المرتبات بتاعته عاملة إزاي
الكورس مشترك فيه 21 ألف طالب وكلهم أجمعوا إن الكورس ساعدهم في تحسين مستواهم وفهمهم أسرار مذاكرة الألماني بطريقة إبداعية
الكورس الرابع 3 Minutes Italian
تعرف إن متحدثي اللغة الإيطالية الأصليين 60 مليون نسمة واللي بيتكلموها حول العالم 70 مليون
وهي من اللغات البسيطة اللي تشبه الإنجليزي بالإضافة لكونها مطلوبة في سوق العمل
الكورسات مش هتاخد من وقتك كتير بس هتخليك على بداية الطريق الصحيح لتعلم اللغة وهتعرف الأسرار اللي هتخليك تقدر تذاكر أي لغة بشكل احترافي لوحدك ومن غير ما تدفع ولا مليم
كتابة
