إيه المهارات اللي لازم تكون متوفرة عندي علشان أكون مؤهل لسوق العمل بعد التخرج علطول
أولًأ: الإنجلش
لازم وحتمًا ولابد أيًا كان مجال دراستك تتعلم إنجلش
ده غير إن الكورسات اللي بالإنجلش غالبًا بيكون محتواها أقوى وبتفيدك في إنك بتضرب عصفورين بحجر واحد .. بتبقى بتذاكر محتوى الكورس وفي نفس الوقت بتتعلم مصطلحات جديدة بالإنجلش
ثانيًا: المجال اللي بتحبه
ادرس المجال اللي بتحبه أونلاين سواء ده كان مجال دراستك في الجامعة أو لا .. وحتى لو كل الناس بتقولك إن المجال ده صعب لكن أنت بتحبه وشغوف بدراسته يبقى ذاكره ومتسمعش لكلام المُحبطين
ثالثًا: المهارات الشخصية
ودي اللي هنتكلم عنها النهاردة بالتفصيل
المهارات الشخصية اللي اللي ليها علاقة بتعاملك مع الآخرين وطريقة كلامك و 90% من الوظائف بتركز على المهارات دي بشكل أساسي للقبول في الوظيفة زي مهارات التواصل والقيادة والعرض والإلقاء وتنظيم الوقت وغيرهم
ودي بتحتاج منك شقين هامين
الأول: هو الجانب النظري منها وده موجود على النت بوفرة تقدر بسهولة تبحث عنها
الثاني: هو تطبيق اللي اتعلمته بشكل عملي من خلال التطوع
المهارات الشخصية مثل
مهارات العرض والإلقاء
هتحتاجها لو بتقدم بريزنتيشن في الكلية أو في شغلك .. أو لو أنت مُعلم أكيد بتحتاج تعمل عروض تقديمية .. ودي بتحتاج منك تجربة مع صحابك أو أهلك علشان تكسر حاجز الرهبة وتكتسب ثقة بنفسك
وده فيديو للرائع د طارق سويدان بيتكلم عن النقطة دي
مهارات التواصل
لازم تكون بتعرف تتكلم مع كل الناس اللي بتقابلك .. حتى لو بتتعامل مع شخص لأول مرة .. اللي بيملك مهارة تواصل كويسة بيقدر يعمل شبكة علاقات بتنفع بعد كدا سواء في استشارات مهنية أو فرص تدريب وشغل
وده لينك كورس هيفيدك في تنمية مهارة التواصل
العمل الجماعي
من أول الأبحاث المشتركة اللي بتعملها من أصحابك في الجامعة لحد التطوع وبعد كدا الشغل .. بتشتغل مع ناس طول حياتك تقريبًا .. وحتى لو بتفضل تشتغل لوحدك فهتضطر في وقت من الأوقات إنك تشتغل مع ناس
وده كورس بيتكلم عن النقطة دي
كتابة
