كتابة.. دينا & رانا القزاز
من أهم المهارات اللي كلنا بنسعى إننا نحسنها هي نطقنا للإنجلش سواء بريطاني أو أمريكي .. لإن نطقك السليم هيكون بوابة عبورك للشغل اللي بمرتب كويس
وعلشان كدا بنقدملكم النهاردة طريقة فعالة ومُجربة لتعلم النطق الأمريكي والبريطاني
هنتكلم عن قاموس كامبريدج الأكثر من ممتاز واللي كان من أهم الاسباب لتحسين النطق عند ناس كتير جدًا في وقت قصير وهتتأكد من كلامي لما تجربه بنفسك
مميزات قاموس كامبريدج
أولًا مش محتاج تحمله يعني مجرد م تدخل ع النت ده هتلاقيه
ثانيًا بينطقلك الكلمة بنطق أمريكي ونطق بريطاني واضح
ثالثًا بيشرحلك معاني الكلمات واستخداماتها المختلفة في الجمل
رابعًا كل الشغل عليه بالإنجلش فده هيجبرك إنك تفهم كل كلمة موجودة
نصيحتي ليك.. من هنا ورايح أي كلمة بالإنجلش هتلاقيها أدامك لازم تسمعها فورًا على القاموس حتى لو كنت متأكد من معناها، ومع الاستمرارية والتدريب يوميًا هتلاحظ تحسن نطقك 180 درجة
