في كنز موجود أونلاين بس مفيش ناس كتير سمعت عنه للأسف
وهو خدمة أون لاين لتعليم وتحفيظ وقراءة القرآن مقدمة من الحرم الشريف
عبارة عن مقارئ جماعية أو فردية .. للرجال أو النساء على مدار اليوم، وكل ده مجانًا
كل اللي عليك إنك تدخل تسجل بياناتك على الموقع وتحدد ميعاد مع شيخ وبيكون مدته تلت ساعة
خلال الوقت ده إنت هتقرأ لوحدك ما تيسر ليك من القرآن .. والشيخ هيسمعك وهيصححلك أخطائك .. ويقولك إزاي تطور من نفسك في قراءة القرآن الكريم
ولو هتحفظ قرآن بعد كدا.. الشيخ هيحددلك واجب معين تلتزم بيه وهيتابع معاك في المعاد المحدد
الخدمة دي مشترك فيها حوالي ربع مليون طالب من مختلف دول العالم .. والدور عليك تشترك معاهم وتستفيد من الموقع العبقري ده
لينك الموقع
زي ما قولنا الموقع ده مش منتشر في مصر بالشكل الكافي فاكسب ثواب نشر العلم وعرف بيه كل اللي تعرفهم
