ازاي اعمل CV والفرق بينه وبين Resume
في البدايه لازم نعرف انه اداه تسويق ليك فلازم نتعب ونشتغل عليها كويس
ايه بقي الفرق
• Resume
دي كلمه فرنسيه يعني المختصر ده بنعمله لو احنا لسه طلبه ومعندناش خبره وبيكون ورقه واحده ومختصر
مش بنكتب فيه تفاصيل
• (CV (curriculum vitae
ده بنعمله لو عندنا خبره وبيعدي الورقه الواحده وبنكتب فيه شغلنا وخبراتنا بالتفصيل
خطوات كتابه CV
• Contact information
الاسم يكون ثلاثي
الايميل يكون فورمال والنبي بلاش شغل الكينج وبوسي كات
ارقام التواصل اكتب الرقم الي بترد عليه ولو بنت ترد بلاش جو مش برد علي ارقام غريبه
العنوان اكتبه واضح
• Objective or summary
هنا بتكتب هدفك ورويتك وايه المجال الي حابب تشتغل فيه
• Education
هنا هنكتب احنا خريج ايه وسنه كام ولو طالب اكتب مش تكتب انا هتخرج 2025 مثلا
التقدير لو كويس نكتبه غير كده بلاش فضايح
المدرسه الثانوي لو حكومه او عاديه منكتبهاش نكتبها بس لو حاجه لغات ودولي
• Experience
بنكتب هنا خبراتنا من الاحدث للاقدم متكتبش مكان شغال فيه شهر والجو ده بنكتبه بس في حاله انك لسه ابيض مافيش خبرات
اكتب مع كل وظيفه المهام بتاعتها واوعي تالف لانها هتتعرف في الانترفيو
* Volunteer works
لو معندكش خبرات تدخلها فيها لكن لو موجود خبره بكتبها لوحدها واوعي تفتكر انها مش مهمه معظم الشركات والهيئات الدوليه بتعتبر العمل التطوعي من أولويات القبول
* Internships
زي العمل التطوعي لو مافيش خبره هنكتبها جواها
• Skills
بتتقسم ل3 اقسام
1. Linguistic skills
نكتب فيها اللغات الي بنكلمها زي العربي ومستوي الانجليزي
2. Computer skills
زي Word- Excel
3. Personal skills
ممكن نكتبها او لا بس لو مافيش خبرات اكتبها عشان شكل CV ومحدش يكتب صفات زي طيب وصادق وحنين
* Achievements
ودي لو عندك انجاز مهم زي جايزه كبيره او بطوله ولو مافيش متكتبش
• Personal information
تاريخ ميلادك
حالتك الاجتماعيه محدش يكتب مرتبط او مخطوبه او عزباء اسمها انسه
موقف الجيش وده للشباب البنات متكتبش اعفاء
* References
يفضل تكتبها في حاله لو مطلوبه فقط وبتكتب فيها ناس كنت شغال معاهم كموظف ممكن نسأل عليك عندهم اوعي تكتب حد عارف انه هيضيعك
* Portofolio
وده لينك بنحط فيه شغلنا لو مقدمين على وظائف زي graphic design وهكذا
اخطاء CV الشائعه
1) مش بنحط صورة مع cv الا لو مطلوبه وبتكون فورمال يعني محترمه بلاش جو فورمه الساحل والسيلفي
2) الالوان يفضل لون واحد والعنواين تكون Bold بلاش جو 100 لون في الورقه
3) الاخطاء في الجرامر او الكتابه
4) نكتب حاجات مش حقيقه او مش تابعه للوظيفه
5) الخط المستخدم Times new roman والحجم 14
6) متستخدمش اختصارات مش مفهمومه او علامات ترقيم كتير
متنساش HR او الشخص الي بيشوف CV بياخد من 6 الي 10 ثواني عشان يقرر يكمل قرايه وله يستبعده فاشتغل عليه صح وله حتي عملت تقليد فراجعه كلمه كلمه وخلي حد غيرك يبص لك عليه
لتحميل نماذج CV
