في المقال دا هنعرف اخر تطورات التصوير وصلت لإيه، و إزاي نقدر نحولها من موهبة لـ مصدر دخل.
أهمية التصوير في حياتنا:
- التصوير دلوقت بيلعب دور مهم في حياتنا، و له عامل كبير في ظهور مُنتجات و خدمات و شركات، لأنه بيبرز كل التفاصيل اللي من خلالها بنحسن من جودة العمليات الشرائية، دا بالنسبة للتسويق، و كذلك في حياتنا لتوثيق اللحظات اللي من خلالها بنسترجع ذكريات و أشخاص مهما مر عليهم سنين.
تطوير التصوير:
- وجود التطوير في كل مجال بيختصر علينا طُرق كتير و بيدينا فرص إننا نبدأ فيها بسهولة، او لتحسين جودة تقديمنا ليها، و دا اللي حصل في مجال التصوير تحديداً لتطويره المستمر، و اللي ساعد مُصورين كتير علي إلتقاط و تقديم صور إحترافية.
مرحلة ما بعد التصوير لصور إحترافية :
عملية التصوير مش متوقفة علي إلتقاطك للصورة وبس، لازم تمر بمراحل كتير بعد الإلتقاط، زي
• التنقية
• تحديد الإضاءة اللازمة
• تأثيرات فنية
و لكل نقطة من دي برامج متاحة تقدر تستغل إمكانياتهم بكل سهولة اللي هتساعدك إنك تقدم صورة إحترافية فيها تغذية بصرية.
- من ضمن التطورات المُذهلة اللي ظهرت مؤخراً هي إتاحة ظهور أي منطقة في الصورة او تفاصيل، او ملامح اي شخص بدقة عالية من غير أي بكسلة.
ازاي نحولها من موهبة لمصدر دخل:
- من أفضل المُقترحات اللي قدمها كتير من المُصورين العالميين هي " البورتفوليو " يعني لو إنت لسه مبتدأ، حاول تصور في البداية و تطبق كتير جداً لحد ما يكون عند بورتفوليو قوي من تصورك حتي لو هتعمل دا من غير مقابل في البداية، بس دا هيساعدك إنت تقدم و تعرض شغلك بكل ثقة و تقدر تجني من وراها ربح لانها من اكتر المجالات المطلوبة.
