بحسبة بسيطة , لو أي شركة حبت تعين واحد في وظيفة , يبقي الشركة محتاجة تعمل 10 interviews على الأقل و عشان تجيب ال 10 محتاج 30-40 متقدم متوافق مع شروط الوظيفة, يعني تقريبا 2 % بس من المتقدمين هما اللي بيتعينوا.
هنحاول نشوف ايه هي نصايح خبراء ال HR عشان تبقي من ال 2 % اللي بيتعينوا !
هنبتدي من أول مرحلة اللي هي ال Cover Letter لحد ال interview
Cover Letter
إيه الحاجات المهمة بالنسبة لل HR في ال Cover letter؟
لو entry level ا حكي عن الحاجات اللي عملتها في الجامعة, أنشطة طلابية, أعمال تطوعية, مشاركة في منظمات خيرية و في الCV اسردها في شكل نقط مبسطة أما بالنسبة لل experienced احكي عن شغلك, ايه اللي كانت بتعمله في شغلك له علاقة بالشغل اللي مقدم عليه و ايه الانجازات اللي عملتها .
CV
ايه أكتر حاجة بتضايق ال HR في ال CV
ال Format اللي مش مريح زي خطوط, أحجام أو ألوان غير متناسقة أو حاجات مش بتضيف قيمة زي ال border
أو معلومات مش مفيدة زي مثلا لو حد اسمه أحمد و حاطط ال gender:male لكن لو حد اسمه علاء و ال CV بالإنجلش ساعتها محتاج يوضح ال Gender.
طب لو المتقدم experienced ؟
لازم job description مسرودة على شكل نقاط عشان ال title لوحده مش كافي عشان بيبقى في تشابه في titles مع اختلاف ال job role و في أخطاء شائعة في ال CV ممكن تعدي بالنسبة لل entry بس في حالة ال experience لازم يكون ما فيهوش أخطاء بقدر الإمكان
إيه أهمية ال phone call؟
بالنسبة لوظايف معينة بتكون مهمة جدا عشان المكالمة مش بتكون متوقعة. في حالة وظايف ال Sales مثلا بتقدر تعرف attitude أو English skills أو ال communication skills و عامة بتشوف إذا ال applicant عارف الشركة أو الوظيفة اللي مقدم عليها و على أساسها قرر يقدم ولا مفيش مجهود أو تفكير كافي لاتخاذ القرار و ده ممكن يثبت عدم الجدية أو العشوائية في التقديم على الوظايف.
نيجي بقي لمرحلة ال Interview
ايه الحاجات اللي ممكن تخلي ال HR مش عايز يكمل الانترفيو؟
لو لقي حد مش فاهم ال job description أو مش عارف نشاط الشركة كويس فده معناه إنه مش عارف ايه ال value
اللي ممكن يقدمها للشركة.
لو حد entry level ازاي بنعرف هو مناسب ولا لأ؟
في أسئلة كتير بتتسأل عشان تعرف ال potential بتاع ال applicant في قابليته للتعليم أو زي ما بيقولوا”ييجي منه” و لا لأ يعني مثلا لو واحد بيقدم على sales job و ال Hr قاله بيع لي الحاجة دي, مش بيكون منتظر منه يبيعها له , هو في الحقيقية بيكون عايز يشوف أنت بتحاول و بتجرب كذا طريقة.
ايه هي حاجة من الحاجات المهمة اللي لازم نلاقيها في ال applicant ؟
إنك تبقي عندك plan و goals و vision.
طب ليه في interviewer بيوتر الناس و “يلبسلهم الوش”؟
الموضوع ده مش بيحصل أو مش صح إنه يحصل فلو حصل يبقى غالبا ال applicant عنده مشكلة في ال attitude أو مطلع negative vibes.
لو في job طالبة سنتين خبرة و ال applicant عنده سنة واحدة هل مينفعش يقدم؟؟
في jobs كتير فيها عوامل كتير تانية تخليك مؤهل زي اللي عنده خبرة أكتر منك, زي ال designers ممكن واحد عنده خبرة قليلة بس عنده creativity عالية أو portfolio أحسن من واحد تاني عنده خبرة أكتر.
