فيه وسواس اسمه "إتقان العمل" فما الموضوع

الوسواس ده عباره انك بتهتم بكل حاجة في الشغل اللي انت بتعمله .. بتعمل أي شغل بأفضل إمكانياتك ،، بتركز في تفاصيل الشغل ومش بتطلعه غير وانت راضي عنه 100% .. بتتقن وتستمتع بكل خطوة انت بتعملها .. بيخليك تضيع وقت في حاجة وانت مش حاسس بيه

الوسواس ده لو عندك مش هتعرف تشتغل مع الناس اللي بتقولك اعملي حاجة بـ10 جنيه وواحد يقولك اعملي حاجة بـ100 جنيه .. انا هتعب في الاتنين وهطلع وهفكر أياً كان المبلغ المدفوع .. مبقبلش اني أطلع جودة قليلة بإسمي رغم ذلك عايز أشتغل عشان أعيش !

الوسواس ده من الحاجات الحلوة .. لكنه مش Fair لا ليك ولا للعميل اللي هتقدمله الشغل ده .. الوسواس حلو لكن في مصر مش حلو .. الوسواس ده بيخلق حرب بين رغبتك في الإبداع وتقدير الإبداع ده .. الوسواس ده عندي وفي أوقات كتير بيضيع مني فرص كتير ! الوسواس ده لو حلو وخير فـ بالنسبة ليا مش حلو وبيضيع حاجات كتير

الخلاصة :: اتقان العمل حلو للشغف .. مش حلو لأكل العيش