حل المشكلة الابدية لو عندك انترفيو بالانجليزي - هتعمل ايه !!

هتكلم عن حاجة كتير مننا بيعانى منها، معظمنا لما بيبقى عنده Interview بيبقى مقلق من حوار الإنجليزى وكدة، عشان كدة دول كام نصيحة كدة فى السريع.

لو عايز تتعلم إنجليزى بجد يبقى لازم ممارسة، حاول تعمل الـ4 خطوات دول:

1. كل يوم الصبح إفتح النت وإقرأ مقال بالإنجليزى عن المجال اللى إنت بتشتغل فيه، حاول تفهم كل كلمة فيه وتركز فى المصطلحات اللى فى المقال ده. إعمل الموضوع ده بإنتظام لمدة شهرين، بعد ما الشهرين دول يخلصوا هتلاقى نفسك أولًا الإنجليزى بتاعك إتحسن كتير عن الأول وبقى عندك علم بالمصطلحات وطريقة تكوين الجمل والكتابة وكدة، وكمان هتلاقى عندك كم معلومات كويس جدًا عن المجال اللى بتشتغل فيه.

2. بعد الشهرين دول، إبدأ إتفرج على محاضرات فى مجالك بالإنجليزى، أو أفلام وثائقية، وحاول تفهم الكلام من غير ما تقرأ الترجمة، بس بردو خلى الترجمة معاك عشان لو وقفت فى حاجة. بكدة هتبدأ تتعود على فهم اللغة بالسمع مش بس بالكتابة. إسمع كل يوم نص ساعة بس، وبردو إعمل الخطوة دى بإنتظام لمدة شهرين.

3. بعد كدة إبدأ اتفرج على محاضرات وأفلام من غير ترجمة، طبعًا هتحس شوية فى الأول إنك بتبذل مجهود بس بعد شوي هتلاقى الموضوع بقى بسيط جدًا بالنسبة لك.

4. بعد كدة لازم تبدأ تمارس اللغة مع ناس بتتكلمها كويس، فيه بعض المراكز الثقافية التابعة للسفارات بتعمل جلسات نقاش بالإنجليزى، حاول تشارك فيها

وأخيرًا، اللى عايز يتعلم حاجة بيتشقلب ويتعلمها، المهم بس كفاية إنتخة
منقول :) / لمحمد امين
اللينكات دي بقي من عندي وفيها الخلاصة ^_^

افضل كورس لغة انجليزية قابلني ، انصحك تبدا بيه

ده لينك علي جوجل درايف هتلاقي فيه كل اللي انت عايزه سواء فيديوهات او تويفل او مقالات او محادثات من اول الصفر لحد الاحتراف .. اكثر من رائع
https://drive.google.com/folderview?id=0B0DlscK73tVATERVRzlLbFdEWmM&usp=sharing 

ودي مواقع رائعة جدا
http://www.english4arab.net/  

http://learningenglish.voanews.com/ 

http://www.examenglish.com/ 

http://www.learnenglish.de/ 

وده هتلاقي فيه افضل الكتب والمراجع بتحميل مباشر و سهل ..
http://www.englishforarabs.com/BooksandReferences.htmlكتبه : أحمد عصام