اقولك على 4 حاجات لو عملت حاجة منهم او عملتهم كلهم مع بعض اضمنلك انك تاخد فرص الشغل اللى بتجيلك بنسبة اكتر من 80% من المنافسين على نفس الشغل.
1- حول شغلك لcase studies. انت مكنتش بتلعب فى الشركات اللى فاتت، فكل حاجة عملتها تقدر تحولها لدليل او حالة، تقدر تثبت انك متخصص فى المجال اللى طلباه الشركة، فمثلا لو انت مترجم، هتستأذن الشركة اللى كنت فيها، انك تستخدم صفحات من اللى ترجمتها وتوريها للشركات الجديدة. لو انت محاسب هتكتب حالة بالتفصيل توضح فيها مثلا ازاى وفرت على الشركة مصاريف كذا لما اكتشفت غلطات معينة، فى المبيعات ممكن تكتب ازاى قدرت تعلى مبيعات الشركة من كذا لكذا فى فترة معينة. حالة عملية واحدة تغنيك وتغنى موظف الاتش ار عن كلام ورغى كتير فى السى فى، وهتميزك بشكل كبير جدا عن ناس مقدمة الCV بس بدون دليل عملى على خبرتهم.
2- اكتب افكارك فى مجالك. اعمل مدونة او موقع صغير او صفحة فيسبوك او قناة يوتيوب، واكتب وحط فيهم افكارك ونظرياتك عن مجالك، مش لازم اطلاقا تكون خبير وقارى كتير عشان تعمل كده، طول ماهو مش مجال مينفعش تألف فيه زى الطب مثلا، فالمجال مفتوح، لو انت جرافيك ديزاينر مثلا اتكلم عن حاجات زى ازاى الناس تستخدم برامج الديزاين و ايه افضل الوان اللوجوهات المناسبة، وازاى يتطوروا فى المجال، ده هيفيدك لان المعلومة اللى بتتكتب او بتتقال بثبت اكتر في عقلك وكمان بيفيد الناس اللى بتعلمها، وحتى لو مفيش بنى ادم بيقرا اللى انت بتقوله، بس ده عالاقل هيميزك قدام الشركات ويعرفوا افكارك وانك فاهم تخصصك، حتى من قبل الانترفيو.
3- خد testimonials من الشركات القديمة. الموظف الطبيعى المفروض بيخرج بعلاقات كويسة من الشغل القديم، فخد من مديرييك اللى فاتوا عليك كلام عنك، بس ابعد عن كلام المدح اللى ملوش لازمة، خليهم يتكلموا ازاى انت قوى فى تخصصك وايه نقط التخصص والvalue اللى تقدر تضيفها للشركات، وسيب ارقام تلفوناتهم وايميلاتهم عشان لو حد من الشركات الجديدة حب يتصل يتأكد او يتناقش اكتر بخصوص التوصيات دى.
4- اعملها مجاناً. دى كلمة سر عندنا فى التسويق. اى منتج او خدمة واثق فيها بس لسه ملهاش سوق او محدش مقتنع بيها، خليهم يجربوها، منتجات كتير انتشرت بالشكل ده، ودى طريقة مضمونة بشكل كبير جداً. اعرض فى اخر الcover letter او الميل اللى بتبعته للشركة اللى طالبه ناس انك تعملهم sample من الشغل ويشوفوها، لو بتكتب محتوى مثلا اعرض انك تكتب صفحة واحدة من الويب سايت بتاعهم، لو بتشتغل voice-over اعرض انك تعمل دقيقة مجانى، لو بتشتغل ديجتال ماركتينج قولهم هعملكو analysis مجانى للويب سايت بتاعكو اشوفه متوافق مع معايير الSEO ولا لأ، دى امثلة بس وفى مليون غيرهم، حسب ظروف شغلك وتخصصك، وممكن يوصل الموضوع لو انت محتاج الشغل اوى انك تعرض تشتغل فترة كintern مجانى. بنسبة كبيرة جدا اللى بيجرب منتج ويعجبه بيشتريه، ومفهاش اى تقليل منك لو عرضتها بشكل كويس ومحترف.
بواسطة
Hossam Hassaan
1- حول شغلك لcase studies. انت مكنتش بتلعب فى الشركات اللى فاتت، فكل حاجة عملتها تقدر تحولها لدليل او حالة، تقدر تثبت انك متخصص فى المجال اللى طلباه الشركة، فمثلا لو انت مترجم، هتستأذن الشركة اللى كنت فيها، انك تستخدم صفحات من اللى ترجمتها وتوريها للشركات الجديدة. لو انت محاسب هتكتب حالة بالتفصيل توضح فيها مثلا ازاى وفرت على الشركة مصاريف كذا لما اكتشفت غلطات معينة، فى المبيعات ممكن تكتب ازاى قدرت تعلى مبيعات الشركة من كذا لكذا فى فترة معينة. حالة عملية واحدة تغنيك وتغنى موظف الاتش ار عن كلام ورغى كتير فى السى فى، وهتميزك بشكل كبير جدا عن ناس مقدمة الCV بس بدون دليل عملى على خبرتهم.
2- اكتب افكارك فى مجالك. اعمل مدونة او موقع صغير او صفحة فيسبوك او قناة يوتيوب، واكتب وحط فيهم افكارك ونظرياتك عن مجالك، مش لازم اطلاقا تكون خبير وقارى كتير عشان تعمل كده، طول ماهو مش مجال مينفعش تألف فيه زى الطب مثلا، فالمجال مفتوح، لو انت جرافيك ديزاينر مثلا اتكلم عن حاجات زى ازاى الناس تستخدم برامج الديزاين و ايه افضل الوان اللوجوهات المناسبة، وازاى يتطوروا فى المجال، ده هيفيدك لان المعلومة اللى بتتكتب او بتتقال بثبت اكتر في عقلك وكمان بيفيد الناس اللى بتعلمها، وحتى لو مفيش بنى ادم بيقرا اللى انت بتقوله، بس ده عالاقل هيميزك قدام الشركات ويعرفوا افكارك وانك فاهم تخصصك، حتى من قبل الانترفيو.
3- خد testimonials من الشركات القديمة. الموظف الطبيعى المفروض بيخرج بعلاقات كويسة من الشغل القديم، فخد من مديرييك اللى فاتوا عليك كلام عنك، بس ابعد عن كلام المدح اللى ملوش لازمة، خليهم يتكلموا ازاى انت قوى فى تخصصك وايه نقط التخصص والvalue اللى تقدر تضيفها للشركات، وسيب ارقام تلفوناتهم وايميلاتهم عشان لو حد من الشركات الجديدة حب يتصل يتأكد او يتناقش اكتر بخصوص التوصيات دى.
4- اعملها مجاناً. دى كلمة سر عندنا فى التسويق. اى منتج او خدمة واثق فيها بس لسه ملهاش سوق او محدش مقتنع بيها، خليهم يجربوها، منتجات كتير انتشرت بالشكل ده، ودى طريقة مضمونة بشكل كبير جداً. اعرض فى اخر الcover letter او الميل اللى بتبعته للشركة اللى طالبه ناس انك تعملهم sample من الشغل ويشوفوها، لو بتكتب محتوى مثلا اعرض انك تكتب صفحة واحدة من الويب سايت بتاعهم، لو بتشتغل voice-over اعرض انك تعمل دقيقة مجانى، لو بتشتغل ديجتال ماركتينج قولهم هعملكو analysis مجانى للويب سايت بتاعكو اشوفه متوافق مع معايير الSEO ولا لأ، دى امثلة بس وفى مليون غيرهم، حسب ظروف شغلك وتخصصك، وممكن يوصل الموضوع لو انت محتاج الشغل اوى انك تعرض تشتغل فترة كintern مجانى. بنسبة كبيرة جدا اللى بيجرب منتج ويعجبه بيشتريه، ومفهاش اى تقليل منك لو عرضتها بشكل كويس ومحترف.
بواسطة
Hossam Hassaan
