الزهر لعب مع إيلون ماسك للمرة الثانية في أسبوع :D
بعد ما لمّ 15 مليار دولار في يومين من Tesla Model 3 ..
النهاردة لأول مرة بتنجح شركـته Space X في إنها تخلّي صاروخ يطلع الفضاء يوصل الحمولة بتاعته لمحطة الفضاء الـدولية وبعد كده يرجع سليم وينزل على منصة متحركة على البحر !! .. بحيث يكون الصـاروخ جاهز للاستخدام مرة تانية خلال أسبوعين مثلا !!
قبل كده الصواريخ كانت بتهبط في المـحيط مدمرة أو بيتم تدميرها في الجو فوق المحيط برضه.. بس اللي عمله عم إيلون ده هـيخلي استكشاف الفضاء أرخص بنسبة 90%، وهيخلي شركته تقدر تبعت رحلة للفضاء كل 3 أسابيع.. وهيوفر كتير جداً !
ناسا بعتتله تهنئة والموضوع بقى ترينـد على تويتر والفيسبوك في دقائق !!
قلتلكم قبل كده : وما لعب الزهـر بالـتمني .. ولكن تؤخذ الدنيا غلاباً :D
الرومانسي في الموضوع بـقه :
المركبة البحرية ذاتية التـوجيه اللي هبط عليها الصاروخ تحمل على سطحها عبارة «بالطبع ما زلت أحبك - Of Course I Still Love You» كرسالة توجهها المركبة للصاروخ، واللي كان بينفجر دايماً على سـطحها في كل المحاولات اللي فاتت ، لحد ما جه اليوم اللي أثبت فيه الصاروخ الحب ده حـب متبادل ومش حب من طرف واحد زي ما كنا فاكرين :D
.. فهبط الصاروخ النهـاردة في سلام
☺
- لحظة هبوط الصاروخ على المنصة العائمة:
من هنا
- تويتة من وكالة #ناسا تهنئ فيها الشركة:
من هنا
لمزيد من التفاصيل عن SpaceX وحلم غزو الفضاء:
من هنا
كتابة : Ahmed Amin
