جوجل أعلنت عن أداة جديدة اسمها Talk To books المبهرة

الأداة بتشمل قاعدة بحث مدرج بيها 100 ألف كتاب بتعمل سيرش فيهم بالجملة اللي انت عاوزها وهو بيعرضلك النتائج عبارة عن مقاطع وفقرات من كتب مختلفة.
الفكرة بتقدمها جوجل علي انها بتديلك فرصة انك تقعد مع مؤلفين كتب كبار وتسمع رأيهم في أي موضوع انت عاوز تعرف عنه رأيهم كانك في مناقشة
تخيل مثلا عاوز تعرف أضرار قلة النوم ويطلعلك مقاطع من تجارب فولتير او عن رأي دكتور من هارفارد ف كتاب كذا
الفكرة مختلفة تماما عن بحث جوجل العادي لأن البحث هنا بيعتمد علي تقنيات البحث الاستدلالي اللي بيستند للمعني مش للكلمات المفتاحية فقط وده طبعا متعملش بسهولة ده أحد مشاريع جوجل في مجال Natural Language Processing & Artificial intelligence
الأداة تم طرحها الأسبوع ده للاستخدام وتمت تحت اشراف مدير الهندسة في جوجل Ray Kurzweil سبعين سنة كدة والفريق عامة شغال علي تقنيات تانية في نفس المجال Semantic Experiences وهنشوف منهم حاجات تاني قريب

تقدروا تجربوها من هنا