ازاي تحمي نفسك من الناموسة ال بتنقل فايروس زيكا
كل الناس و الاخبار و بتتكلم عن فايروس زيكا اللى بدأ ينتشر على مستوي العالم و اللى بتنقله الناموسة المصريةبس المشكلة ان كل الاخبار بتقول انه لحد دلوقتى مافيش مصل ولا علاج!! و الحل الوحيد بس هو الوقاية من قرصات الناموس و خصوصا المرأة الحامل
طبعا اوعك تكون مستنى من الحكومة عندنا تكافح الناموس دة و الصيف داخل علينا ترش كل شارع فيكي يا مصر!!!!
طيب ازاى تحمى نفسك بنفسك؟
قولتلى عايز تحمى نفسك؟ كيد مش حقولك حطى رشى البيت بالموبيدات و انى حامل و تضري الجنين بمواد مسرطنة!
الموضوع ببساطة انك تحطى فى كل اوضة زرعة صغيرة او اتنين من اللى حقولك عليهم دول!
و لو انت شغال فى مكتب اعمل كدة برضه.. اصلها مش ناقصة تعى و تقول لمديرك اصل زيكا ضربنى و رب العرش نجانى!
و كمان ممكن تعلق منها فى العربية عندك.. طيب كفاية لت و نخص فى المهم!
اقوى 4 اعشاب ممكن تحطها حواليكي علشان تطرد الناموس من غير ما تستخدمي مبيدات الحشرات الكيميائية و تحمى نفسك من زيكا!
1. الريحان (ريحان القرنفل)
ورق الريحان ليه ريحة قوية بتطرد الناموس و الحشرات الطائرة، حطيه عند الشبابيك و الابواب و جنب طربيزة الاكل و كمان فى المطبخ ويفضل قرنفل طازة و لو ملاقتيش استخدمى قرنفل مجفف!
2. النعناع البري
و دة نبات معمر و الزيوت العطرية اللى فيه ثبت علميا انه اقوى 10 مرات من مادة الـ DEET الكميائية الطاردة للناموس و اللى ممكن تسبب تهيج للبشرة! و كمان بتطرد النمل و الفران!
3. اللافندر (الخزامي)
و دى من الانباتات اللى بتجيب من الاخر مع الناموس علشان علشان ريحته النفاذة و اللى بتطرد الباغيت كمان!
4. بلسم الليمون
و دى من النباتات المعمرة بتنمو بسرعة و اللى بتقاوم الجفاف.. يعنى لو ناسيتى تسقيها فترة مش حتموت بسهولة و فعالة برضه قصاد الناموس!
طبعا اى حاجة من النباتات دى ممكن تفركيها على بشرتك و الزيوت اللى فيها حتضرد اى ناموسة و حتريحك من العض و بالاخص الريحان!
و يارب ينجينا من الكارثة اللى داخلة علينا الصيف دة! و المسؤولين فيها عاملين فيها ودن من طين و ودن من عجين!
