الإكتئاب مرض العصر

مرض العصر (الاكتئاب)

كتبت/يارا فتحي

مرض نفسي يعتبر ثقب أسود لو سيبت نفسك جواه عمرك ما هتخرج.. مش بس كدة ده كمان هيبلعك حتى لو الناس كلها جت شدتك مش هتخرج غير لما تقرر أنت انك عايز تخرج منه .

الإكتئاب : هو إضطراب مزاجي يسبب الشعور متواصل بالحزن و الخواء 

المرض ده بيطفيك و بياكل من روحك و من عمرك و بيخليك تيأس من نفسك و من حياتك كلها و معندكش اي رغبة ان حياتك تستمر ..

المرض ده بيفقدك الشغف تجاه كل الحاجات الي كنت بتستمع بيها و بيقضي علي كل أسبابك الي بتخليك تعيش..

المرض ده بيخلي قدرتك على التركيز منعدمة و دايما متوقع الأسوء و بيخليك تجلد نفسك و دايماً حاسس بالذنب..و مش عارف تعبر حتى عن مشاعرك.. و بالفعلم مكن تحاول تنتحر

أعراض لو لقيتها عندك يبقى انت مُصاب بالاكتئاب"

أولاً الأعراض نوعين "نفسية و جسدية" 

و لازم تستمر اكتر من 21 يوم عشان نحكم أن عندك اكتئاب فعلاً مش مجرد حزن و هيعدي او مشكلة و هتتحل !

فمهم أوي انك متوهمش نفسك سواء ببوستات فيها هبد او باختبارات نفسية بتلعب بعقلك 

١) النفسية : 

حزين أغلب الوقت و مُنطفي و مايل للعزلة

عدم الاستمتاع بالأشياء اليومية اللي كنت بستمتع بيها قبل كده 

ضعف الهمة و النشاط في أغلب أمور حياتك

 الإحساس بالإجهاد و فقدان الطاقة 

الشعور الشديد بالذنب و إحساس بانعدام القيمة

 صعوبة التركيز و التفكير و إتخاذ القرارات

 التفكير في الانتحار او تمني الموت 

٢) الجسدية:

إحساس دائم بالإجهاد و صداع مستمر، صعوبة في التفكير و التركيز و التنفس، أضطرابات في النوم و الأكل و الطمث، إحساس بضيق في الصدر، مشاكل في الهضم، تنميل في الأطراف، شد عضلي في الضهر و الرجل و آلام العضلات و المفاصل 

 "الاكتئاب ليس علامة ضعف، بل هو إشارة إلى محاولتك أن تكون قويًا لفترة طويلة جداً"

لو طلع عندك إكتئاب مترددش لحظة إنك تروح لدكتور نفسي عشان صدقني الدقيقة الي هتضيع من عمرك في "الولا حاجة" أنت أولى بيها 

و لو عايز تعرف درجة اكتئابك دوس هنا للاختبار