5 نصائح عشان تتجنب النهاية السيئة لل C.V بتاعك,
اثناء بحثك عن وظيفة!!
من 4 سنين كنت متخرج جديد وبدور على شغل, وروحت احد معارض التوظيف الكبيرة وكنت طابع 40 نسخة من ال C.V بتاعى عشان اوزعهم على الشركات الموجودة هناك.
وعملت كده فعلا smile emoticon
وخلصت كل النسخ اللى معايا وكنت متفائل انى هلاقى شغل بالطريقة دى,
فى اخر اليوم لقيت نسخ من ال C.V بتاعى,
فى سلة القمامة بتاعة احد الشركات.
والمثال اللى فى الصورة بيثبت ان التقديم على وظيفة بالطريقة الغلط ممكن يوصل ال C.V بتاعك للنهاية دى!!
دى ممكن تبقى صدمة لناس كتير بس عايزين نتعلم منها.
الفكرة انك متدورش على شغل على طريقة مندوبى المبيعات او بياع النعناع فى الاتوبيس,
اللى بيحط باكو نعناع على رجل كل زبون لغاية ما حد يشترى.
1- متقدمش على وظيفة اكبر بكتيير من امكانياتك ومؤهلاتك, خليك واقعى واشتغل على نفسك.
2- متبعتش ال C.V بتاعك للشركات بشكل عشوائى ووضح انت مقدم على وظيفة ايه او مجال ايه بالتحديد فى عنوان ورسالة ال Email بتاعك واسم ال C.V.
3- متلفش على الشركات وتوزع ال C.V بتاعك من غير ما يكونوا محتاجين اصلا تخصصك او يكونوا فاتحين باب التقديم للوظائف, بحث صغير على موقع الشركة او Linkedin هيوصلك بيهم وبمسئولى التعيين شخصيا اللى مش هتعرف تكلمهم بزيارتك للشركة.
4- ادرس كل وظيفة بتقدم عليها وعدل ال C.V مخصوص ليها وعلى متطلباتها, مفيش حاجة اسمها C.V واحد بتقدم بيه على اى حاجة, خليك بياع شاطر واظهر المؤهلات اللى هم محتاجينها بشكل اكبر واقنعهم انك افضل حد للوظيفة.
5- ابنى شبكة علاقات قوية فى مجالك وجوا الشركات اللى نفسك تشتغل فيها وده اللى هيوصلك للفرص الغير معلن عنها جوا الشركات دى وهيخلى شطارتك هى واسطتك الحقيقية و Linkedin اكتر حاجة ممكن تساعدك فى ده.
متقللش من قيمتك, واشتغل على نفسك عشان تبقى الافضل.
اتميز عن الزحمة الموجودة فى سوق العمل ودور على شغل بطرق احترافية.
انت تستاهل اكتر بكتيير من ان ال C.V بتاعك تكون اخرته سلة القمامة!
قولنا تعليقك على الصورة,
وشايف دى سببها اهمال الشركات ولا المتقدمين على الوظائف؟!
نقلا عن : Career Standout
