تطوير الذات و الثقة بالنفس
كتبت/ شيماء عبد الرحيم
كل إنسان بيسعي إنه يحقق نجاح في حياته وبيسعي لتطوير الذات ، ولكن بتظهر مرحلة في حياتنا بنشعر فيها باليأس ومش قادرين نحدد اي هي اهدافنا .
تعالا نشوف شويه نصائح وخطوات بسيطة تساعدك في تطوير وثقتك بنفسك
1- لازم تحدد قدراتك ولازم تكون عارف إنت عايش عشان إي بتدرس عشان تنجح وبس ولا عشان تبقي إنسان ناجح ومثقف وعنده خبرة في معلومات كثيرة بتشتغل عشان فلوس وبس ولا عشان تبقي عندك خبرة ف سوق العمل وتثبت وجودك ونجاحك وهكذا .
2- لازم يكون عندك نظرة إيجابية لكل شئ في حياتك متفكرش في اي شئ سلبي ولو غلطت متلومش نفسك ولا غيرك اتعلم من غلطك
3- حافظ علي صحتك وجسمك وإهتم بالرياضه والأكل الصحي كل شئ متوقف علي صحتك وجسدك الجيد
4- إبدأ بمشروع صغير بجانب وظيفتك او دراستك ، واتعلم مهارة جديدة وأكسب مهارات اكتر
5- لازم تقرأ كتب حتي لو صفحة في اليوم ثقف نفسك اكتر واسمع عن ناس ناجحه حققوا ناجحهم ازاي
6- إتعلم إزاي تعمل علاقات بالناس اللي حواليك وتبقي شخص إجتماعي اكتر لأن دا هيساعدك تكسب خبرة من اللي حواليك
7- متقارنش نفسك بأي حد أو تقول لنفسك أنا معنديش إختيارات كتير زي الناس دي لأن ممكن إختيارات الناس تكون مناسبة ليهم ومش مناسبة ليك
8- لازم تسعي ف تطوير لغتك إتعلم لغه إنجليزيه واي لغه تانيه لانها هتساعدك في حياتك
9- لازم تكون واثق في نفسك إنك هتنجح والثقه مش معناها غرور الثقه دي قوه إنك تبقي واثق في ربنا ثم واثق في نفسك دا هيخليك تكون قد المسؤلية وتنجح
10- خصص لنفسك وقت ترتاح فيه وتاخد بريك من كل حاجه في يومك واعمل حاجة بتحبها وأخر اليوم إسال نفسك هل أنا انجزت وعملت حاجه النهارده أقدر أفتخر بنفسي بيها ؟
