لو كان مؤسسي Whats App فكروا لحظة مكنوش بدأوا البرنامج ، وقت ما طلع الواتساب كان الBlackberry مسيطر على سوق الرسايل على الموبيل و كان لسه الفيسبوك مسينجر مظهرش و ده وقت ما برامج الشات التقليدية كان أستخدمها بيقل
بقرار واحد بس كانت ممكن BB تخلي الواتساب ملهوش اي لازمة لو ال bbm كان ينفع ينزل على الآي فون و الأندرويد و ديه نفس الخطوة اللي أخدوها متأخر سنين بعد ما أستنفذوا مواردهم على صناعة هاردوير و سوفيور جداد ، قرار واحد و تطبيقه سهل كان
ممكن يخلي الواتساب فكرة و راحت لحالها .
بس العنجهية و الكبر و الغرور بيعموا الإنسان ، حتى لو كانوا نجوم السوق ، حتى لو كانوا خبرة عشرات السنين ، قرار بسيط كان ممكن يحول شركتهم بدل ما قميتها 4 مليار دولار في السوق دلوقتي بكل اللي عندها مقابل صفقة لبرنامج واحد ب 4 اضعاف السعر ده !
و أنت بتنافس انت مش بتنافس بفكرتك بس ، أنت بتنافس و بتراهن أن الحيتان هيخدوا قررات غبية تسمحلك أنك تكبر ، هتنافس بأن التفكير المنطقي بغيب عن دماغ النخب و عتاولة السوق .
نفس الحكاية حصلت مع Elon Musk في Tesla و مرسيديس و bmw و كل شركات العربيات اللي بيدفعوا مئات الملايين في ال R&D
و حصلت مع نوكيا و الأندرويد
و حصلت مع ستيف جوبز لما شاف المستقبل في الموبيلات ، كان زمانه قاعد جنب العواجيز في نوكيا و بلاكبيري عاملين حفبة عياط جماعي .
أعرف السوق و نافس و أستغل أن غيرك مش شرط يعرف يعمل زيك حتى لو كان معاه كل الفلوس و الموارد .
كتبه : أحمد الجندي
بقرار واحد بس كانت ممكن BB تخلي الواتساب ملهوش اي لازمة لو ال bbm كان ينفع ينزل على الآي فون و الأندرويد و ديه نفس الخطوة اللي أخدوها متأخر سنين بعد ما أستنفذوا مواردهم على صناعة هاردوير و سوفيور جداد ، قرار واحد و تطبيقه سهل كان
ممكن يخلي الواتساب فكرة و راحت لحالها .
بس العنجهية و الكبر و الغرور بيعموا الإنسان ، حتى لو كانوا نجوم السوق ، حتى لو كانوا خبرة عشرات السنين ، قرار بسيط كان ممكن يحول شركتهم بدل ما قميتها 4 مليار دولار في السوق دلوقتي بكل اللي عندها مقابل صفقة لبرنامج واحد ب 4 اضعاف السعر ده !
و أنت بتنافس انت مش بتنافس بفكرتك بس ، أنت بتنافس و بتراهن أن الحيتان هيخدوا قررات غبية تسمحلك أنك تكبر ، هتنافس بأن التفكير المنطقي بغيب عن دماغ النخب و عتاولة السوق .
نفس الحكاية حصلت مع Elon Musk في Tesla و مرسيديس و bmw و كل شركات العربيات اللي بيدفعوا مئات الملايين في ال R&D
و حصلت مع نوكيا و الأندرويد
و حصلت مع ستيف جوبز لما شاف المستقبل في الموبيلات ، كان زمانه قاعد جنب العواجيز في نوكيا و بلاكبيري عاملين حفبة عياط جماعي .
أعرف السوق و نافس و أستغل أن غيرك مش شرط يعرف يعمل زيك حتى لو كان معاه كل الفلوس و الموارد .
كتبه : أحمد الجندي
