ما احنا لازم نفهم ! هنفضل مطنشين لامتي 
يعني لو جه ابني المستقبلي و شدني من البنطلون و قالي بابا هو الطياره دي بتطير ازاي و هي وزنها كبير اوي كده او ازاي السفينه الضخمه دي بتطفو ع المياه دنا وقع مني مسمار في البانيو لاقيته غطس !!
اقوله ايه ساعتها ؟؟ ها تيل مي ؟!!
ببساطه شديده .. الطياره دي في قوه بتاثر عليها لتحت ( قوة الوزن ) اللي هيي كتله الطياره في عجله الجاذبيه الي مخلياك اعد في مكانك دلوقتي.
فكان لازم المهندسين يوجدوا قوه تكون اكبر من قوه الوزن دي و تبقي عكس اتجاهها عشان تقدر ترفع الطياره عن سطح الارض ..
و هي دي بقي اسمها ( قوة الرفع )
طيب اوجدوا القوه دي ازاي ؟؟ .. قولتلي ازاي
الزتونه يا سيدي تتمحور في تصميم جناح الطياره ... تتمحور ؟؟
بطل يا سخيف و اسمعني .. طب كمل
المهندسين بقي يا سيدي صمموا الجناح مش مستقيم . لا علي شكل الحاجب اللي فوق عينك .. زي ماهو قدامك ف الصوره كده
فـ تيجي تيارات الهوا تخبط في الجناح تتفرق لمسارين .. مسار طويل (المسار اللي فوق ) و مسار قصير ( اللي تحت ) .. ف تيار الهوا اللي ماشي في المسار اللي فوق لازم #يمد عشان يلحق يقابل التيار اللي ماشي من تحت في نفس النقطه في نهايه الجناح .. شوفت قولت ايه ؟ #يمد
ف سرعه تيار الهوا فوق الجناح V11 هتبقي اكبر من سرعه تيار الهوا تحتيه V2 .. ايوا اعمل ايه بردو
... لو صبر القاتل ع المقتول 
:3
المهم جه عالم سويسري بن حلال كده اسمه ( برنولي ) قالك ايه بقي
قالك اختلاف السرعه ده بيولد اختلاف في ضغط الهواء !!
ها ؟؟
متفتحش بوقك كده بس .. قالك يعني اما سرعه التيار اللي فوق الجناح تزيد .. ضغط الهوا اللي فوق الجناح هيقل .. و العكس صحيح تحت الجناح
كده في منطقتين .. فوق ضغط هوا صغير و تحت الجناح ضغط الهوا كبيرر جدا ف بيدفع الجناح لفوق و دي اللي اسمها ( قوة الدفع ) ف تقوم الطياره ترتفع فوق سطح الارض و تطير و اما يجي الطيار يوصل بالسلامه و عايز يهبط بالطياره كل الموضوع انه بيحرك الجناج بحيث يعكس الكلام اللي فوق ده ف منطقتين الضغط يتعكسوا ف الطياره تنزل .. بس كده
حاسك مش مقتنع طب عايز تتاكد من كلام برنولي ده و انت اعد دلوقتي ؟؟
اقطع ورقه صغيره تكون طويله شويه و رفيعه و امسكها من طرفها و انفخ جامد علي الورقه (من فوق) هتلاقي الورقه بتطلع لفوق !!! رغم انك مش بتنفخ من تحت .... وصلت ؟
السفينه بقي يا باشا فكرتها بسيطه جداا بدون ما نتوغل في قوانين ارشميدس ، كل الحكايه ان مدرس العلوم بتاع ابتدائي قالك ان الكثافه بتساوي كتله علي حجم ، فكل ما الحجم يزيد الكثافه تقل . تمام ؟؟ ف السفينه من تحت مش مصمته دي مليانه هوا من جوا عشان بس يزودوا حجمها اكتر ما يمكن و بالتالي بتطفو لان (كثافه السفينه + كثافه الهوا اللي جواها) بتبقي اصغر من كثافه المياه و بالتالي بتطفو ، انما المسمار مصمت و حجمه صغير جداا و بالتالي كثافته عاليه ف بيغطس ف البانيو ، بس كده
كتبه : أحمد عبد المنصف
يعني لو جه ابني المستقبلي و شدني من البنطلون و قالي بابا هو الطياره دي بتطير ازاي و هي وزنها كبير اوي كده او ازاي السفينه الضخمه دي بتطفو ع المياه دنا وقع مني مسمار في البانيو لاقيته غطس !!
اقوله ايه ساعتها ؟؟ ها تيل مي ؟!!
ببساطه شديده .. الطياره دي في قوه بتاثر عليها لتحت ( قوة الوزن ) اللي هيي كتله الطياره في عجله الجاذبيه الي مخلياك اعد في مكانك دلوقتي.
فكان لازم المهندسين يوجدوا قوه تكون اكبر من قوه الوزن دي و تبقي عكس اتجاهها عشان تقدر ترفع الطياره عن سطح الارض ..
و هي دي بقي اسمها ( قوة الرفع )
طيب اوجدوا القوه دي ازاي ؟؟ .. قولتلي ازاي
الزتونه يا سيدي تتمحور في تصميم جناح الطياره ... تتمحور ؟؟
بطل يا سخيف و اسمعني .. طب كمل
المهندسين بقي يا سيدي صمموا الجناح مش مستقيم . لا علي شكل الحاجب اللي فوق عينك .. زي ماهو قدامك ف الصوره كده
فـ تيجي تيارات الهوا تخبط في الجناح تتفرق لمسارين .. مسار طويل (المسار اللي فوق ) و مسار قصير ( اللي تحت ) .. ف تيار الهوا اللي ماشي في المسار اللي فوق لازم #يمد عشان يلحق يقابل التيار اللي ماشي من تحت في نفس النقطه في نهايه الجناح .. شوفت قولت ايه ؟ #يمد
ف سرعه تيار الهوا فوق الجناح V11 هتبقي اكبر من سرعه تيار الهوا تحتيه V2 .. ايوا اعمل ايه بردو
... لو صبر القاتل ع المقتول :3المهم جه عالم سويسري بن حلال كده اسمه ( برنولي ) قالك ايه بقي
قالك اختلاف السرعه ده بيولد اختلاف في ضغط الهواء !!
ها ؟؟
متفتحش بوقك كده بس
.. قالك يعني اما سرعه التيار اللي فوق الجناح تزيد .. ضغط الهوا اللي فوق الجناح هيقل .. و العكس صحيح تحت الجناحكده في منطقتين .. فوق ضغط هوا صغير و تحت الجناح ضغط الهوا كبيرر جدا ف بيدفع الجناح لفوق و دي اللي اسمها ( قوة الدفع ) ف تقوم الطياره ترتفع فوق سطح الارض و تطير
و اما يجي الطيار يوصل بالسلامه و عايز يهبط بالطياره كل الموضوع انه بيحرك الجناج بحيث يعكس الكلام اللي فوق ده ف منطقتين الضغط يتعكسوا ف الطياره تنزل .. بس كده حاسك مش مقتنع طب عايز تتاكد من كلام برنولي ده و انت اعد دلوقتي ؟؟
اقطع ورقه صغيره تكون طويله شويه و رفيعه و امسكها من طرفها و انفخ جامد علي الورقه (من فوق) هتلاقي الورقه بتطلع لفوق !!! رغم انك مش بتنفخ من تحت .... وصلت ؟
السفينه بقي يا باشا فكرتها بسيطه جداا بدون ما نتوغل في قوانين ارشميدس ، كل الحكايه ان مدرس العلوم بتاع ابتدائي قالك ان الكثافه بتساوي كتله علي حجم ، فكل ما الحجم يزيد الكثافه تقل . تمام ؟؟ ف السفينه من تحت مش مصمته دي مليانه هوا من جوا عشان بس يزودوا حجمها اكتر ما يمكن و بالتالي بتطفو لان (كثافه السفينه + كثافه الهوا اللي جواها) بتبقي اصغر من كثافه المياه و بالتالي بتطفو ، انما المسمار مصمت و حجمه صغير جداا و بالتالي كثافته عاليه ف بيغطس ف البانيو
، بس كدهكتبه : أحمد عبد المنصف
