ليه الماء دخل جوه الكوباية فى التجربة ديه ؟
بما ان في ناس كتير عايزه تجنن اخواتها و بما اننا عايزين نشوف متعه العلم قدام عنينا فـ تعالوا نعمل التجربة دي
هتجيب طبق مسطح و فيه شويه مياه و كباية و كبريت و ورقة و جنيه .. اوكيشن
هتحط الجنيه في الطبق و تقولهم عايزين نفصل الجنيه عن المياه من غير ما نلمس الجنيه ... نعمل ايه ؟؟
بعد ما يتنحوا حبتين و يبصوا في السقف و يهرشوا ، هقولك بقي يا سيدي تعمل ايه
هتولع حته من الورقة بالكبريت و تحط الورقة المولعة في الكباية و بسرررعة تقلب الكبايه و تحطها في طبق المياه علي وشها و تضغط جااامد .. بعد شويه هتلاقي المياه اللي في الطبق كلها اتجمعت جوا الكبايه زي الصورة كده و الجنيه بقي لوحده لا سحر ولا شعوذة .......... طب ليه ؟؟؟؟
.
ببساطة لان النار اللي جوا الكباية عايزه اكسجين فهتشفط كل الاكسجين اللي في الكباية، ف حجم الغاز جوا الكبايه هيقل و هيبقي في اماكن فاضيه و درجة الحرارة جوا الكباية هتزيد صح ؟
اعرف بقي ان المكان اللي درجه الحرارة فيه عالية جزئيات الهواء بتحاول تبعد عن بعضها . عايزه ترحرح ياخي الجو بقي حر زينا كده مبنحبش الزحمه ف الجو الحر وبـ التالي اما تيجي تبعد عن بعضها هتلاقي اماكن فاضيه كتير ترحرح فيها براحتها فـ الضغط في المكان ده بيقل علي طول، نتيجة ان الجزيئات بعدت عن بعض .
يعني بختصار الحرارة اما زادت جوا الكباية، الضغط جواها هيقل عن الضغط برا الكباية .. تمام ؟
.
و خدها قاعدة فيزيائية : أي مائع ( يعني سائل أو غاز ) ديما بينتقل من المكان اللي فيه ضغط عالي إلي المكان اللي فيه ضغط أقل زي ماقولنا بيحاول يبعد عن الزحمة .. و بالتالي المياه كلها هتتسحب للكباية اللي ضغطها أقل .. بس كده
ود دي التجربة لو عايز تشوفها >>
.
زي بالظبط السبب اللي بيخليك تعرف تشرب العصير بالشاليموه .. ايه اللي بيخلي العصير يمشي في الشاليموه و يوصل لبوقك ؟ ... هتقولي عشان بشفطه ، لا فكيك، بتشفطه ازاي يعني ؟
الفكرة ان حضرتك اما بتشفط الهوا ببوقك بتقلل الضغط اللي في بوقك عن الضغط اللي ف الكباية فبالتالي السائل اتوماتيك اول ما يلاقي مكان في ضغط اقل يجري عليه ، فيمشي في الشاليمووه و تبلبعه بالهنا و الشفا
.
و ممكن بردو تجيب ازازة زجاج بوقها واسع و تحط فوقيها بالونه منفوخه تكون اكبر من فتحتة الازازة شويه و تقولهم عايزين ندخل البالونه جوا الازاه من غير ما نضغط عليها ، نعمل ايه ؟؟
بعد ما يتنحوا ولع الورقه و حطها جوا الازازة و رجع البلونه فوق الازازه زي ما كانت ، هتلاقيها اتشفطت لجوا الازازة لنفس السبب.
.
عشان كده ساعات السواقين بيفضوا تنك البنزين بتاع العربية بالفكرة البسيطة دي، بيجيبوا خرطوم و يحطوا طرف منه في التنك و الطرف التاني يشفطوا منه الهواء لحد ما يحسوا ان السائل دخل في الخرطوم و بعدين يحطوا الطرف التاني في ازازة بقي او جركن فبالنزين ينزل كله في الازازة ..
كتبه : أحمد عبد المنصف
بما ان في ناس كتير عايزه تجنن اخواتها و بما اننا عايزين نشوف متعه العلم قدام عنينا فـ تعالوا نعمل التجربة دي
هتجيب طبق مسطح و فيه شويه مياه و كباية و كبريت و ورقة و جنيه .. اوكيشن
هتحط الجنيه في الطبق و تقولهم عايزين نفصل الجنيه عن المياه من غير ما نلمس الجنيه ... نعمل ايه ؟؟
بعد ما يتنحوا حبتين و يبصوا في السقف و يهرشوا ، هقولك بقي يا سيدي تعمل ايه
هتولع حته من الورقة بالكبريت و تحط الورقة المولعة في الكباية و بسرررعة تقلب الكبايه و تحطها في طبق المياه علي وشها و تضغط جااامد .. بعد شويه هتلاقي المياه اللي في الطبق كلها اتجمعت جوا الكبايه زي الصورة كده و الجنيه بقي لوحده لا سحر ولا شعوذة .......... طب ليه ؟؟؟؟
.
ببساطة لان النار اللي جوا الكباية عايزه اكسجين فهتشفط كل الاكسجين اللي في الكباية، ف حجم الغاز جوا الكبايه هيقل و هيبقي في اماكن فاضيه و درجة الحرارة جوا الكباية هتزيد صح ؟
اعرف بقي ان المكان اللي درجه الحرارة فيه عالية جزئيات الهواء بتحاول تبعد عن بعضها . عايزه ترحرح ياخي الجو بقي حر زينا كده مبنحبش الزحمه ف الجو الحر وبـ التالي اما تيجي تبعد عن بعضها هتلاقي اماكن فاضيه كتير ترحرح فيها براحتها فـ الضغط في المكان ده بيقل علي طول، نتيجة ان الجزيئات بعدت عن بعض .
يعني بختصار الحرارة اما زادت جوا الكباية، الضغط جواها هيقل عن الضغط برا الكباية .. تمام ؟
.
و خدها قاعدة فيزيائية : أي مائع ( يعني سائل أو غاز ) ديما بينتقل من المكان اللي فيه ضغط عالي إلي المكان اللي فيه ضغط أقل زي ماقولنا بيحاول يبعد عن الزحمة .. و بالتالي المياه كلها هتتسحب للكباية اللي ضغطها أقل .. بس كده
ود دي التجربة لو عايز تشوفها >>
.
زي بالظبط السبب اللي بيخليك تعرف تشرب العصير بالشاليموه .. ايه اللي بيخلي العصير يمشي في الشاليموه و يوصل لبوقك ؟ ... هتقولي عشان بشفطه ، لا فكيك، بتشفطه ازاي يعني ؟
الفكرة ان حضرتك اما بتشفط الهوا ببوقك بتقلل الضغط اللي في بوقك عن الضغط اللي ف الكباية فبالتالي السائل اتوماتيك اول ما يلاقي مكان في ضغط اقل يجري عليه ، فيمشي في الشاليمووه و تبلبعه بالهنا و الشفا
.
و ممكن بردو تجيب ازازة زجاج بوقها واسع و تحط فوقيها بالونه منفوخه تكون اكبر من فتحتة الازازة شويه و تقولهم عايزين ندخل البالونه جوا الازاه من غير ما نضغط عليها ، نعمل ايه ؟؟
بعد ما يتنحوا ولع الورقه و حطها جوا الازازة و رجع البلونه فوق الازازه زي ما كانت ، هتلاقيها اتشفطت لجوا الازازة لنفس السبب.
.
عشان كده ساعات السواقين بيفضوا تنك البنزين بتاع العربية بالفكرة البسيطة دي، بيجيبوا خرطوم و يحطوا طرف منه في التنك و الطرف التاني يشفطوا منه الهواء لحد ما يحسوا ان السائل دخل في الخرطوم و بعدين يحطوا الطرف التاني في ازازة بقي او جركن فبالنزين ينزل كله في الازازة ..
كتبه : أحمد عبد المنصف
